Habari

JUVI CUF YAWATAKA MASHEHA KUTEKELEZA WAJIBU WAO IPASAVYO.

ZANZIBAR.

JUMUIYA YA UMOJA WA VIJANA WA CUF TAIFA IMEWATAKA MASHEHA WOTE NCHINI KUTENDA HAKI NAKUTIMIZA WAJIBU WAO KAMA WALIVYO WATUMISHI WA UMMA.

AKIZUNGUMZA NA WAANDISHI WA KHABARI KATIKA UKUMBI WA OFISI YA MAKAO MAKUU YA CUF VUGA MJINI ZANZIBAR MWENYEKITI WA JUMUIYA YA VIJANA WA CUF TAIFA NDUGU HAMIDU BOBALI AMEKEMEA TABIA YA MASHEHA KUWAZUIA VIJANA WA ZANZIBAR KUPATA VITAMBULISHO VYA MZANZIBARI MKAAZI NA VYAKUPIGIA KURA KUTOKANA NA SABABU ZAKISIASA.

AIDHA MWENYEKITI HUYO AMEBAINISHA KUWA KUMEKUWA NA MALALAMIKO KUTOKA KATIKA WILAYA NA MAJIMBO YOTE KUWA MASHEHA WAMEKUWA NI KIKWAZO CHA VIJANA WALIOTIMIZA UMRI WAKUANDIKISHWA KUTOANDIKISHWA KWASABABU ZAKISIASA.

HATA HIVYO KIONGOZI HUYO AMESEMA KUWA JUMUIYA YA UMOJA WA VIJANA YA CUF TAIFA HAIKO TAYARI KUVUMILIA AINA YOYOTE YA HILA ZA MASHEHA DHIDI YA VIJANA WAKIZANZIBARI NA WAZANZIBARI WOTE KWA JUMLA NA HAITOKWENDA MAHAKAMANI NA KATIKA CHOMBO CHOCHOTE KUWASILISHA MALALAMIKO YAO KWA MADAI KUWA DALILI ZOTE ZINAONYESHA KUWA KATIKA VYOMBO HIVYO HAKUNA HAKI YOYOTE ITAKAYOPATIKANA NA BADALA YAKE ITAWAHAMASISHA VIJANA ILI KUHAKIKISHA WANAPATA HAKI ZAO ZA MSINGI.

JUMUIYA HIYO IMEONGEZA INAFAHAMU KWAMBA BAADHI YA VIONGOZI WAKUBWA SEREKALI WAKO MSTARI WA MBELE KUHAKIKISHA KUWA KILA MAZANZIBARI ANAYESHABIKIA CHAMA CHA WANANCHI CUF ANANYIMWA HAKI ZAKE ZA MSINGI.

TAARIFA HIYO YA UMOJA WA VIJANA WA CUF IMEMTAKA WAZIRI WA NCHI AFISI YA RAIS NA IDARA MAALUM ZA SEREKALI YA MAPINDUZI YA ZANZIBAR HAJJI OMAR KHERI KUACHA KUWATISHA VIJANA WA TUMBATU WANAOJIUNGA NA CUF.

MWENYEKITI HUYO AMETOA WITO KWA VIJANA WAKIZANZIBARI AMBAO WAMEJIANDIKISHA KUPATA VITAMBULISHO VYA MZANZIBARI MKAAZI , VYAKUPIGIA KURA NA VYA MTANZANIA KWENDA KATIKA VITUO VYA WILAYA ZAO KUCHUKUWA VITAMBULISHO HIVYO.

AMEFAFANUA LICHA YA MUITIKIO MDOGO WA VIJANA KWENDA KUCHUKUWA VITAMBULISHO VYAKUPIGIA KURA HIVI SASA VINATOLEWA KATIKA WILAYA ZOTE ZA ZANZIBAR.

Share: