Habari

Kwanini Lipumba hakubaliki Tabora sawa na Shein Mkanyageni

Elbattawi
Jumamosi, Juni 9, 2018

DK Ali Mohamed Shein, Rais wa Zanzibar na Mwenyeykiti wa Baraza la Mapinduzi, ni kwanini watu wengi wa kwao Mkanyageni, Pemba hawamkubali?. Dk Shein, anaelezwa kuwa ana asili ya Pemba.

Kadhalika, Profesa Ibrahim Lipumba, Mwenyekiti wa CUF anayetambuliwa na msajili wa vyama vya siasa watu wengi wa Tabora, hawamkubali?.

Dk Shein, ni wapi alipokosea. Kwa tabia machoni anaonekana ni mpole, mtaratibu na muungwana. Ni kweli hiyo ndiyo hulka ya Dk Shein?. Maswali tunayo mengi kuliko majibu.

Inaelezwa kuwa aliwahi kugombea mara mbili mfululizo nafasi ya Ubunge/Uwakilishi jimbo la kwao la Mkanyageni, wananchi walimkataa.

Watu wengi wanahoji kuwa Dk Shein, kuna siku aliyowahi kushindana, akashinda?. Si ubunge wala si uwakilishi aliyoshinda kwao, iweje ashinde Urais wa Zanzibar nzima!.

Aidha, inaelezwa kuwa uchaguzi mkuu wa Oktoba 25, 2015 baada ya ishara kujitokeza za kushindwa alifanya mbinu kurejea tena madarakani kwa hila za kufuta na kubuni uchaguzi wa marejeo.

Baya zaidi kwa kiongozi huyu, inadaiwa kuwa katika Ikulu ya Zanzibar, ametengeneza taasisi ambayo kazi yake ni kuhakikisha watu wenye asili ya Pemba, hawaajiriwi kazi serikalini.

Pia, kiongozi huyu akiwa ukingoni kumaliza muhula wa pili wa uongozi wake, imeelezwa ameshindwa kuwaunganisha Wazanzibari kuwa wamoja.

Kuhusu Profesa Lipumba;
Wanyamwezi, Wasukuma na Wamanyema ni moja katika makabila ya jamii ya Wazanzibari tangu dahari. Lipumba kuwa mnafiki kwa Wanyamwezi wa Zanzibar ni sawa kuwa mnafiki kwa Wanyamwezi wa kwao Tabaro.

Swali lilikuwa, ni kwanini watu wengi wa Tabora hawamkubali Lipumba?. (jibu) Binafsi, kwanza naona ni bora hata wasimtake (wasimkubali) ni aibu kuwa na mtu kama huyu…ni shida, mnafiki aliyebobea.

Watu wa Tabora, wanaogopa kusalitiwa kwa kuwa wao ndiyo wanaomfahamu vizuri zaidi kuliko mtu yeyote kwa kuwa ni mtoto wao. Tabia zake za usaliti wanazijuwa tangu akiwa mtoto kwa wazazi wake.

Kwa hakika watu wanamjuwa Lipumba kama Mnyamwezi wa Tabora, lakini hadi leo hii sijui ni kwanini Wanyamwezi wameshindwa kumuunga mkono ndugu yao. Nadhani, wanahofu kuwasaliti.

Profesa Lipumba ni msomi aliyekosa bahati na mapenzi kutoka kwao Tabora na ndani ya jamii nyingi za Tanzania. Hapana shaka kuwa Lipumba kapoteza dira, jahazi la kuaminika limeshaenda mrama.

Hatuwezi kumshangaa kumuona leo yupo na akina Dk Shein, Said Soud, Juma Ali na wenzao wengine kwenye visebule vya Ikulu ya Zanzibar, wakishikana mikono na fisadi/dhalimu wa Wazanzibari Dk Ali Mohamed Shein. Maalim Seif, alikataa kuguswa mkono wake na dhalim.

Musukuma (Joseph)
Mbunge wa Geita Vijijini, Joseph Musukuma (CCM), alimsifu sana Lipumba kwa kuwa na hulka ya usaliti na alidai kuwa anafaya juhudi kubwa kuvifarakanisha CHADEMA na CUF, ili umoja wao (UKAWA), usambaratike.

Musukuma alitoa kauli hiyo wakati alipokuwa anazungumza na EATV baada ya kuulizwa ni kiongozi gani wa upinzani anayemvutia.

“Mwanasiana wa upinzani anayenivutia ni Profesa Lipumba anajua namna ya hesabu za kuvuruga vyama nampenda sana,” alisema na kuongeza.

“Lipumba yeye na Sakaya ni mabingwa wa kutibua siasa wanajua kupiga hesabu za kuchekecha vyama, hata ikitokea kufarakana kwa CHADEMA na CUF zitakuwa ni juhudi za Lipumba,” alisema Musukuma.

Pamoja na hayo, Musukuma ameendelea kwa kusema “Lipumba nampenda kwa sababu ni mvurugaji wa hivi vyama vya upinzani, anaifanyia kazi nzuri sana CCM, yule ni ‘master’ wa kuvuruga”.

Kwa upande mwingine, Joseph Musukuma alisema katika maisha yake anatamani awe fundi wa hesabu za siasa za kuvuruga vyama kama alivyo Profesa Lipumba.

Watu wanaposema, wanapomfananisha Lipumba na msomi mjinga (mjinga aliyesoma) hawakosei. Kila dalili zipo kwamba Lipumba kapoteza dira jahazi limeshaenda mrama kama nahodha wa CUF na siasa za upinzani kwa jumla. Tayari amebugi.

Kwa hadhi ya kisiasa aliyokuwa nayo ndani na nje ya Tanzania, haikufikiriwa kuwapo kwa matukioa ya sasa yanayonasibishwa na usaliti wa Lipumba. Mwenyezi Mungu ‘AMUHIDI’.

Hebu tuwaangalia watu/viongozi wa upinzani akina Mbowe, Lema na Lowassa (CHADEMA), kila wanapogombania kwao wanakubalika kila uchaguzi. Tumwaangalie Zitto (ACT-Wazalendo) kwa Waha wa Kigoma.

Maalim Seif kwao Mtambwe na Pemba yote na Urais wa Zanzibar, kila uchaguzi anashinda. Lipumba, kwa Wanyamwezi hatujui tatizo nini?. Kadhalika, Dk Shein na watu wa Mkanyageni, hawamtaki kabisa, hawamkubali.

Habari mpya ilioko Zanzibar

Dk Ali Mohamed Shein amekutana na viongozi wa vyama vya siasa (venye mrengo wa CCM) kwa ajili ya kushauriana namna ya kuwapata wajumbe wawili watakaoteuliwa katika Tume mpya ya Uchaguzi ya Zanzibar (ZEC) kutoka vyama vya upinzani/CCM.

Dk Shein alikutana na viongozi hao Jumamosi, Juni 9, 2018 Ikulu ya Zanzibar, ambako viongozi wa vyama 17 vya siasa walihudhuria wakiwemo wenyeviti na viongozi wengine wa ngazi za juu wa vyama hivyo vya upinzani (upinzani bandia).

Hatua hiyo imekuja kwa ajili ya kutekeleza maelekezo ya Katiba ya Zanzibar ya mwaka 1984 katika kifungu chake cha 119 (1)c, kuhusiana na kuwapata wajumbe wa Tume ya Uchaguzi ya Zanzibar (ZEC).

Mkutano huo unafanyika baada ya Tume ya uchaguzi chini ya Mwenyekiti Jecha Salim Jecha, kumaliza muda wake. Tume hiyo ilifanya kazi kwa kipindi cha miaka mitano kilichoanzia Aprili 30, 2013 mpaka Aprili 29, 2018.

Dk Shein alieleza kuwa Katiba ya Zanzibar ya mwaka 1984 katika kifungu chake cha 119 (1)c, kimeweza kutoa maelekezo mazuri ambayo ndio njia moja wapo iliyowakutanisha viongozi hao wa vyama vya siasa.

Dk Shein, tunaweza kumwita mkuu wa madili tayari amewaita viongozi wa upinzani bandia akina Lipumba, Hamad Rashid na Said Soud na wenzao ili kuweka mazingira mazuri kwa CCM kuendelea na dhuluma zake hapo 2020.

Said Soud, hivi karibuni ndani ya Baraza la Wawakilishi, alisikika akisema kuwa CCM Zanzibar, itashinda milele kwa sababu ndicho chama kinachopendwa Zanzibar.

Hivyo, ni mpinzani gani wa kweli anaweza kutoa kauli hiyo , ilhali anajuwa kuwa CCM Zanzibar, haipo, wala haijawahi kushinda uchaguzi wowote katika mazingira mazuri ya uchaguzi wa haki, wazi na huru?.

Share:

1 comment

  1. chatumpevu chatumpevu 10 Juni, 2018 at 12:15 Jibu

    Shukran Elbattawi kwa makala yako ya uchambuzi.

    Nahisi Lipumba alipiga mahesabu na kuona kuwa ili aweze kunufaika kiuchumi na genge lake la wasaliti aliona njia bora ni kuisaliti CUF kwanza. Unajua kuwa kabla lipumba hajaacha uongozi wa CUF alikuwa huenda ikulu kuonana na Kikwete ili kupanga mipango yao ya kukivuruga chama na mara tu alipojiuzulu uenyekiti na kabla hajaondoka kwenda kigali ( kwa safari ya utafiti wa uongo) alikwenda bagamaoyo nyumbani kwa kikwete ili kuendeleza mazungumzo yao ya mwisho kabla Kikwete hajamaliza uongozi wake. Halaf utaona kuwa mwenyekiti mzima wa chama cha siasa anawasiliti wenzake, kwa hiyo upo uwezekanao mkubwa wa kuwasaliti hata watu wa Tabora kama wangemchagua. Nafikiri wanyamwezi walishamuona Lipumba kuwa ni msaliti ndiyo maana hawakummunga mkono tokea awali.

    Pata picha hapa utaona kuwa Lipumba pamoja na kuwa ni mwenyekti wa CUF lkn mara zote alikuwa akishiriki kikamilifu kukivuruga chama kupitia mikakati ya chini kwa chini. Ujio wa Lowasa ktk UKAWA ambayo Lipumba anadai hakuridhika naye ni kubabaisha tu lakn ni msaliti namba moja wa chama cha CUF. Hili halihitaji tochi.

    Nikitoka hapo, Shein kufanya mkutano na wapinzani ni kuhalalisha wizi wa kura ambao CCM/ SMZ wataufanya ktk uchaguzi wa mwaka 2020, kwa kuwa CUF asili watakuwa hawamo kwenye ZEC. Si ajabu kuona kuwa ktk ZEC mpya ambyo utaona kuwa Shein anawateua watu kama Nassor Seif, Khalifa, Mnyaa/ Rukia et al ili iwe ni rahisi kwa CCM kufanya wanayokusudia kufanya kwa kuwa CUF asili watakuwa nje ya uwanja wa mieleka( wrestling ring). Sina mashaka na hilo. hakika watakaoteuliwa kuwa wajumbe wa ZEC ni kutoka kundi hilo la waasi wa CUF ili iwe ni rahisi kuridhia kila uovu utakaopangwa. Sasa la kuliangalia ni ipi itakuwa postion ya CUF asili ambayo katu hawatovunjika moyo na watashiriki ktk uchaguzi licha ya uwezekano mkubwa wa kuharibiwa kwa uchaguzi huo kama vile zilivyoharibiwa chaguzi zote zilizofanyika znz tokea uchaguzi wa mwaka 1995.

    Tusuburi tuone lkn sunami ya watakaoteuliwa kutoka CUF Asili kupingwa na ZEC/ NEC tokea awali kwa kuwa wajumbe wawili wa ZEC watakuwa ni kutoka CUF ya wasaliti ambao watahakikisha wanawapitisha watu wanaowaunga mkono kundi la Lipumba na kuwapiga chini waliopendekezwa na CUF ya maalim seif. Mchezo wa 1+1 = 8 sio 2 utajidhihirisha hapo.

    Nasema hivi kwa sababu haitawezekana kwa makundi haya mawili ya CUF kukaa pamoja na kumaliza tofauti zao, maana yake ni kuwa kutatokea varangati kubwa sana wakati wa kupitisha wagombea wa uchaguzi wa mwaka 2020 ndani ya CUF.
    Lakn hayo yote inategemea na uwepo wa CUF ikiwa msajili wa vyama vya siasa hawajakifuta chama ili kutekeleza amri ya mkuu wa kaya., mkoloni mweusi kutoka kule magogoni mrima kuumeni.

Leave a reply