Habari

Magufuli sasa wameandika wasifu wa marehemu (obituary) kwa sera ya mambo ya nje

Magufuli sasa wameandika wasifu wa marehemu (obituary) kwa sera ya mambo ya nje tuliyorithi kutoka kwa Mwalimu.

Imeandikwa na Tundu Lissu

Tuliunga mkono harakati za ukombozi kila mahali palipokuwa na uonevu na ukandamizaji wa kitaifa.

Ndio maana tulikuwa miongoni mwa nchi za kwanza kuvunja uhusiano na Israel mwaka 1973 baada ya Vita ya Yom Kippur.

Ndio maana sio tu tuliitambua PLO kama mwakilishi halali wa wananchi wa Palestine, bali pia tuliwaruhusu PLO kufungua ubalozi wao Tanzania, licha ya kwamba nchi yao bado inakaliwa kimabavu na Mazayuni.

Sio tu tuliitambua POLISARIO kama mwakilishi halali wa wananchi wa Sahara Magharibi, bali pia tuliwaruhusu POLISARIO kufungua ubalozi wao Tanzania, licha ya kwamba nchi yao bado inakaliwa kimabavu na Morocco.

Sasa tumekuwa kama malaya: kila anayetupa au kuahidi kutupa msaada anapiga tu.

Wale wa Kusini mwa Afrika tuliowasaidia kupata uhuru wao bado wanajitambua. Afrika Kusini imemwita Balozi wake Israel kuonyesha kutokukubaliana na mauaji ya waPalestina Gaza.

Sisi tumeenda kubariki mauaji hayo kwa Balozi wetu kwenda Jerusalem kusherehekea ukiukwaji wa sheria za kimataifa.

Halafu hakuna mjadala wowote, hata Chuo Kikuu, juu ya suala hili.

Fb

Share:

3 comments

  1. JUMA HIJA 18 Mei, 2018 at 19:40 Jibu

    UONGOZI WA MZALENDO NIMESHINDWA KUIPOST HII MADA SIJUI TARATIBU NAOMBA RADHI NISAIDIENI KUFIKISHA UJUMBE

    Na. Juma Hija.

    JESHI LA POLISI KUPITIA KITUO CHA POLISI MAZIZINI LASHIRIKIANA NA WAUZA UNGA,BANGI NA MADAWA MENGINE YA KULEVYA SARAEVO VIBANDANI SHEHIA YA MOMBASA

    Katika harakati zangu za kijiji kwa kijiji kuangalia vijana na maeneo yaliyo athirika na madawa ya kulevya Unguja na Pemba, nilibahatika kukutana na wakaazi wa eneo la Saraevo shehia ya Mombasa na wakanipatia kero wanazo zipata zinazo tokana na wauzaji na wavutaji wa madawa ya kulevya.
    Wakaazi hao walinitaka nishuhudie mimi mwenyewe vitendo vinavyo fanywa na wahalifu hao na nililifatilia eneo hilo kwa muda wa siku tatu. Naam kweli niliweza kusadikisha baadhi ya waliyo nieleza kwa kuyaona kwa macho yangu.

    Sio siri kwamba eneo la Saraevo vibandani shehia ya Mombasa limevamiwa na wahalifu kutoka sehemu mbali mbali ambao wanajihusisha na biashara ya madawa ya kulevya pamoja na kufanya uhalifu wa kupora kwa nguvu na kuiba mali za watu.
    Wauzaji hao huuza madawa yau waziwazi bila ya kujificha, mchana na usiku. Aidha wameligeuza eneo hilo kuwa ni maficho ya baadhi ya madawa yao hasa bangi kwa kuzificha kwenye majani kwa njia ya kuchimba mashimo.

    KATIKA ENEO HILO NILIKUTANA NA WATU MBALIMBALI LAKINI WALIKATAA KUTAJA MAJINA YAO KWA KISINGIZIO KWAMBA WANAHOFIA USALAMA WAO.
    Na hiki ndicho walicho kisema:-

    Hakuna mtu yeyote katika Shehia ya Mombasa asiyejuwa kwamba Saraevo ndio kituo kikuu cha kuuza madawa ya kulevya, hata Sheha wa Mombasa analijuwa hilo, kwani ameshafikishiwa malalamiko hayo mara nyingi lakini inaonyesha ameshindwa kuidhibiti hali hiyo.

    Ajabu ni pale tunapoliona Jeshi la Polisi likiwakamata wahalifu hao na ushahidi kamili lakini wanaishia kuwatoza rushwa ili waweze kawaachilia. Kutokana na ukaribu uliopo baina ya Jeshi la Polisi wahalifu hawa, wameendelea kutamba na kufanya watakavyo kwa vile wanajua kwamba Jeshi la Polisi limekuwa mdau mkubwa wa biashara hiyo kwa kutegemea kugawana mapato pale wanapo kamatwa.

    Hali inakuwa mbaya zaidi inapofika wakati wa usiku kuanzia saa moja, utayakuta makundi ya wahalifu yakitokea sehemu mbalimbali kwa lengo la kuja kununua unga na bangi,baadhi yao hubakia eneo hilo kwa muda usiopungua masaa manne huku wakivuta bangi pamoja na kutukanana hadharani matusi ya laana kama vile wako porini.

    Baadhi yao huenda na makundi ya mbwa wakati huo wa usiku, kitendo ambacho kinaweza kupelekea madhara makubwa kwa wananchi wa maeneo hayo.
    Wahalifu hao wamekuwa kero zaidi pale wanapopita kinamama huwafatafata na kuwafukuza chochoroni wakati wa usiku.

    Kinacho sikitisha ni kuliona Jeshi la Polisi likiwakamata vijana hawa na kuchukuwa ngawira, baadae kuwaachilia huru huku wakipeana namba za simu.

    Sisi tunaliuliza Jeshi la Polisi wanashindwa kitu gani kuwadhibiti wauza uga wale hasa wakati wa usiku? Kwa vile eneo wanalo kusanyika wahalifu wale linajulikana kwa nini Jeshi la Polisi wasiweke japo bango au matangazo ya ilani katika eneo lile kuwa mtu yeyote asikae eneo lile kuanzia saa moja usiku?

    Tunaamini kwamba endapo Jeshi la Polisi litaweka tangazo katika eneo lile hakuna muhalifu atakae kaa katika eneo lile kwa kuogopa kukamatwa,.

    Eneo wanalo kaa wahalifu hao lina julikana, ukifika Saraevo vibandani ukiulizia wahalifu wanafanya biashara yao wapi utaonyeshwa au utawaona wakivuta bangi kwa ubabe na jeuri.
    Sisi hatuamini kwamba Jeshi la Polisi linashindwa kuwadhibiti wahalifu wa eneo lile ila bilashaka wamewafanya wahalifu wale kuwa ni chanzo chao cha mapato.

    Katika eneo hilo kuna banda linalochezwa mchezo wa POOL ambao umegeuzwa kuwa kamari na washiriki wa mchezo huo wengi wao ni hao wahalifu. Bangi unga pia huuzwa humo kimya kimya. Ajabu ni kwamba utawakuta baadhi ya viongozi mbalimbali wa Serikali wakicheza POOL na wahalifu hao. Tutarajie kitu gani hapo?

    HAYO NDIYO BAADHI YA MAELEZO YA WAKAAZI WA SARAEVO SHEHIA YA MOMBASA

  2. abuu7 19 Mei, 2018 at 01:23 Jibu

    Hmmmm. RAIS BANDIYA ANAKWAMBIYA TUTAULINDA KWA NGUVU ZOTE MUUNGANO.

    LAKINI MAMBO MACHAFU YA UHALIFU. YEYE BWANA MKUBWA.HANA HANA HABARI NAYO

    Hii sasa ni zanzihatari sio zanzibari

  3. chatumpevu chatumpevu 22 Mei, 2018 at 10:11 Jibu

    Hakuna kisichowezekana ktk dunia hii isipokuwa kuumba roho. kuwadhibiiti wauza, wasambazaji na watumiaji wa unga ktk maeneo uliyoyataja ni kitu rahc ikiwa kilio hiki atakisikia mkuu wa mkoa wa Mjini/ Magharibi . Huyu akikusudia anao uwezo wa kuzungumza na kamanda wa policcm wa mkoa wa Mjini/ Magharibi. Kinachokosekana ni kutokuwa na utayari kwa wakuu kuchukua hatua kwani wanaloliona muhimu ni kuiba kura na kuwaua watu wa CUF mengine yote ni subsidiary. Mbaya zaidi wevi na wahalifu hao baada ya kubwia unga na kuvuta bangi huhamia kwenye mitaa na kurukia kwenye fence za watu na kuwaibia wenye nyumba zao.

    Kwani vile vikundi vya sungusungu vimeishia wapi? Moja ya kazi zao ni kushughulikia kero kama hizo. Mimi kuna mwizi / mpiga bodi/ chabo alikuwa na tabia ya kuja kuchungulia dirishani kwangu saa nane – tisa za ucku akitafuta upenyo kama nimeacha simu kwenye dirisha achukue. Kuna siku alipokuja nikamsubiri kwenye dirisha na wakati anahangaika kutaka kufanya yake nikamwambia mke wangu lete bastola , nimesema kwa sauti kubwa ili mwizi asikie na kwa kweli sina bastola na wala chochote cha kujilinda , ilikuwa ni sauti ya kumtisha ili akome kuja tena, na mpka leo hii hajarudi tena kuchungulia dirishani.

    Vitendo hivi vya wezi na watumiaji na wadawa ya kulevya vinalindwa na SMZ na huwezi jua deal zonazofanyika kwa wanaoingiza unga, wanaotumia na wanaosambaza. Lazima kuna mkono wa vigogo kwa kuwa wanafaidika na biashara hii haramu inayowaharibu vijana wa kizanzibari. Wanaoingiza unga znz na aina nyengine za madawa ya kulevya wanajulikana kwa idadi na majina ila kuna ukakasi kwa serikali kuchukua hatua kutokana na kuoneana haya na wengine ni wafadhili wa SMZ/ CCM. Kwa hiyo ndugu yangu Juma Hija utapiga kelele mpka mate yote mdomoni yatakauka hakuna kitaakchofanyika.

    kwa upande mwengine, mazingira ya kitaasisi na kisheria yamebadilika kwetu Znz. Hii ni fursa kwa kweli. Kuna sheria ya kupambana na rushwa ya mwaka 2012 na SMZ wameanzisha mamlaka ya kupamban na rusha pia . Vitu hivi 2 vikitumika vyema yaweza ikasaidia kupunguza matokeo hayo tunayoyanzungumza kwa sababu kwenye biashara ya unga ni eneo kubwa ambapo rushwa inatokea tena ktk anga zote tokea kuingizwa kwa unga, kusambaza, wanapokamatwa wahalifu nk.

    Ni muhimu kwa mamlaka hiii ya kupambana na rushwa wakishirikiana na policcm wakafanya kazi zao kwa uadilifu na wasisahau kuwashikrikisha wananchi kwa dhahiri na kwa siri ili whistle blowers ( watoa taarifa/ wapiga firimbi ) walindwe na huku ukamataji ukiendelea.

Leave a reply