Habari

Mtatiro amaliziana biashara na CUF, ajiunga CCM

Aliyekuwa Mwenyekiti wa Kamati ya Uongozi ya CUF, Julius Mtatiro…kama kawaida ni muendelezo wa Watanganyika wenye misimamo dhaifu katika siasa za Tanganyika upande wa upinzani..

Dar es Salaam, Tanzania
Jumamosi, Agosti 11, 2018

ALIYEKUWA Mwenyekiti wa Kamati ya Uongozi ya CUF, Julius Mtatiro ametangaza kujiondoa kwenye chama hicho na sasa kuanzisha biashara mpya na CCM.

Akizungumza Dar es Salaam leo Jumamosi, Agosti 11, 2018 na waandishi wa habari, Mtatiro alisema ametafakari kwa miaka zaidi ya kumi aliyofanya siasa na kugundua kwamba umefika wakati wa kuunga mkono juhudi za Rais John Magufuli.

“Masuala ya misimamo yangu ya sera na ilani ya CUF na misimamo ya CUF hayo yanabaki CUF, hivi sasa mimi ni Mtatiro ambaye ninajiandaa kuhamia CCM, kama mwananchi ninayo haki kikatiba,” alisema Mtatiro.

Alisema amejiridhisha kwa matakwa ya nafsi yake kwamba ajiunge na CCM na alisema anawajulisha watanzania kuwa ameanza mipango ya kutekeleza hilo haraka.

Alisema hajanunuliwa wala kurubuniwa na CCM bali ameitumia siku ya leo kuonyesha nia yake ya kuhamia CCM na kuomba wampokee.

Lakini alisema kuwa huu ni wakati wake wa kwenda kutumia vipaji vyake kikamilifu pia kuwa balozi mkubwa wa Rais Magufuli ndani na nje ya Nchi.

Mtatiro alisema ameamua kuchukua uamuzi huo kwa kuwa jukwaa alilokuwa analisimamia katika siasa kwa miaka kumi limeshindwa kumpa nafasi yakuifanyia nchi yake maendeleo.

Katika hatua nyingine baada ya kutangaza nia hiyo Mtatiro ametoa ahadi yakuwatumikia watanzania pamoja na kupambana na umasikini. Alisema uamuzi alioufanya sio kwa ajili yakutafuta cheo.

Muda mfupi baada ya kutangaza uamuzi huo, wanasiasa mbalimbali wakiwamo Zitto, Bashe, Nape na Polepole waliibuka na kuandika kwenye mitandao ya kijamii wengine wakimpongeza na wengine wakimkosoa.

Mbunge wa Kigoma Mjini, (ACT-Wazalendo) Zitto Kabwe ameandika kwenye ukurasa wake wa Twita ameandika akisema:

“Huko wanakokutegea kukufukuza kila usemapo ukweli? Ninaamini kwenye maendeleo ndani ya demokrasia na siyo maendeleo ndani ya udikteta.”

“Ninaamini katika uhuru wa fikra na siyo mawazo ya kiimla. Ninaamini nchi yetu inahitaaji chama kingine kuirudisha kwenye reli. Nafasi ya CCM ni Museum (makumbusho),” ameandika Zitto.

Mbunge wa Nzega, (CCM) Hussein Bashe ameujibu ujumbe wa Zitto akisema:

“Ni rahisi kuleta mabadiliko ya haki, demokrasia na maendeleo ndani ya CCM) kuliko kutafuta mabadiliko nje kwa sababu kuna mgogoro wa kimawazo, kimuundo na kimadili huko nje. Kuna wanajeshi wachache wa ukweli.”

Kwa upande wake, Nape Nnauye Mbunge wa Mtama (CCM) ameandika akisema:

“Tunachagua rangi ya Paka wakati shida yetu ni kukamata Panya. Nguvu tunayopoteza kuhoji rangi ya paka ingetumika kushughulika na panya tungekuwa mbali sana.”

Nape katika nukuu yake nyingine ameandika akisema:

“Kama msomi wa Sayansi ya Siasa, naona hii ni fursa muhimu ya kujengwa kwa aina mpya ya vyama na siasa za upinzani nchini.”

“Kwa demokrasia, hamahama hii muhimu itumike kama fursa ya kujenga upya uimara wa CCM unaotegemea ubora wa upinzani (Simba/Yanga),” huyo ni Nape Nnauye.

Katibu wa Itikadi na Uenezi wa CCM, Humphrey Polepole yeye ameandika:

“Huu unaitwa uhuru wa kisiasa kwa mujibu wa katiba yetu, halafu wale wa ‘siasa za bei nafuu mseme kanunuliwa.” Hongera kaka, ndugu, kamaradi.”

“Historia na Mungu pekee atakupa tuzo ya dhamira yako njema. Na mimi nimeikuta mtandaoni,” Polepole.

Wakati huo huo katika ‘facebook’ baadhi ya watu wametoa maoni kuhusu aliyekuwa Mwenyekiti wa ‘Kamati ya Uongozi ya CUF, Julius Mtatiro kujiondoa kwenye chama hicho, leo Jumamosi, tarehe 11/8/2018.

Sa Elieshi Shuma, anasema: “Pamoja na lipumba kuwa msaliti hajahama chama mtatiro kamzidi lipumba.” anajibiwa na

Salah Al Asad, anasema: “Ni bora adui wa nje kuliko wa ndani..lipumba ni mbaya zaidi ya mtatiro…lipumba bado anatumika kuiua cuf..sasa mtatiro hatokuwa tena mwanacuf wala kuvuruga cuf.”

Salim Mussa Omar, “Hilmi karibu ccm jahazi inaondoka kaka hii acha ushabiki kaka yangu njoo hukuuuu.”

Naye Hilmi alijibu:

Hilmi Hilal Kaka Salim Mussa Omar mimi sipiganii tumbo. napigania uhuru, haki na usawa, naipigania Zanzibar sipiganii chama. Hivyo utasahau wala haitokuja kutokea kuuza utu wangu kwa kuendekeza tumbo.

Hamza Ali Moyo: watamaa hauna kumbukumbu aliwazalo mjinga ndio humtokea. Frank John kaandika: Nae kala matapishi yake!! kuwaamini wanasiasa ni kazi ngumu sana..imani yangu kwa Mbowe, Lisu, Maalim Seif, Lema, etc..

Mwingine kutoka Zanzibar, ameandika hivi:

“Siyo kazi sana kuweza kuwafahamu ndugu zetu wa Tanganyika katika masuala ya siasa na wanachokitafuta. Hoja za Watanganyika ni tofauti na hoja au madai ya Wazanzibari ndani ya siasa za Tanzania.”

Mzanzibari mmoja ambaye hakutaka kutaja jina, kaandika baada ya Mtatiro kujiondoa CUF na kuonesha imani yake kwa asilimia mia moja ya kujiunga na CCM.

Anasema: “Hawa ndio watanganyika tunaowaamini na kuwapa mapenzi yetu kwa kushirikiana nao na tukawaona kuwa ndio wenzetu.”

Anasema: “CUF wana mdorongo wa kesi mahakamani na mtu huyu ndiye aliyekuwa na nafasi kubwa na muhimu kwa uongozi wa CUF.”

Anasema: “ndiye huyu aliyejinadi na pia akawa ni silaha ya kukisaidia chama kwa madhila na maovu ya ndugu Lipumba na pia na kuzawadiwa nishani.”

“Leo hii huyu juu ya jamvi mchana kweupe Mtatiro anakula matapishi yake. Hawa ndio watu tunaowaamini na ndio wenye siri za chama.”

Anasema: “Mimi huwa namsemo ambao hupenda kuukariri, kuwa kisiasa wabara kwao ni maslahi, kwa sababu wana nchi na uhuru wao kamili, lililobaki ni kujiimarisha kimaendeleo.”

Anaongeza: “Lakini kwetu sisi Zanzibar, tunakazi kubwa ya kupigania uhuru wa nchi yetu ndani ya serikali ya Tanganyika inayojiita Tanzania.”

“Hizo ndio siasa za maslahi, la msingi ni kuendelea kujipanga na kujikwamua pale tulipojikwaa, lakini chama cha CUF, umefika wakati wa kujitafakari upya kwa mikakati yake,” anamaliza.

Mohammed Ghassani: “Ushauri wa bure kwa wajao. Siku hizi kabla ya kutangaza kuunga mkono juhudi, kwanza pitia akaunti zako zote za mitandao ya kijamii na fyagio la chuma.”

“Maana hata kama unajifanya hujali, bado wewe u mtu. Una roho. Una hisia. Una ubongo. Miye naanza kufuta vyangu nikiwa njiani kuelekea Peacock kukutana na wanahabari.” huyo ni Mohammed Ghassani kwenye ‘facebook’ leo.

Mohammed Amour , kwenye ukursa wa ‘facebook’ kaandika: “Njaa haijawahi kumuacha mtu Salama na ndio maana Waislamu tukaamrishwa tufunge ili tupate IBRA. ona yanayowakuta Watanganyika!”.

Share:

9 comments

  1. chatumpevu chatumpevu 11 Agosti, 2018 at 16:27 Jibu

    Huu ni mkakati wa mkuu wa kaya wa kudhoofisha upinzani Tz. Wameanza mrima ambako pesa inazungumza. Watanganyika ni wepesi sana kurubiniwa wanapooneshwa rupia. hucheka kama vile ngombe anavyooneshwa utamu na ngombe mwenziwe ( samahani kwa matusi ). Pengine CUF ya maalim ilimuamini mtatiro na kumpa kila siri ya chama. Tukio hili halikutabiriwa na linaacha athari ya masuala yasiyo na majibu. Uzuri ni kuwa jamaa huyu sio mbunge na ni dhahiri kuwa kuhama kwake anaandaliwa ubunge wa jimbo la segerea ktk uchafuzi ujao wa mwaka 2020. Si mpumbavu huyu amepewa mnuso / mshiko na pesa ili ahame CUF wkt huu ikiwa na mgogoro ambao mchango wake ulihitajika sana ktk CUF ya maalim.

    Watanganyika ndo walivyo. Si watu wa kuaminika. Si watu wenye msimamo. Si watu makini ktk siasa. Angalia wanavyoendelea kutumika kukiua chadema kule mrima. Kwa bahati nzri kwa znz , wapinzani ni makini sana. wanajua wanachokifanya. Kovu la Salim msabaha liliacha msingi mbaya lakn kwa bahati nzr ubaya ule ulizimwa kabisa miaka ile ya 1990s na kwa sababu siasa kwetu imo ndani ya damu zetu, hakuna unafiki kwa sisi wazanzibari tulio wapinzani tukiamini tumeamini na hatuweki maslahi ya pesa mbele na wala mgomba hutuiiti mnazi

    Nimuombee rafiki yangu mtatari safari njema ndani ya chama cha wauwaji, watekaji, watesaji, makatili, majambazi na mahaini lkn nimuombe sana atumie taalum ayake ya sheria vizui ili asiwe miongoni mwa makundi niliyayataja.

  2. zamko 11 Agosti, 2018 at 22:04 Jibu

    @ Keshokutwa Tutasikia Amechaguliwa BALOZI wa TANGANYIKA Nchini Ubelgiji au France au hata German..

    Mimi kama mimi binafsi nakutakia Safari Njema ndugu Boni M wa Tanganyika. Kiasi uhame CUF. Hakuna maslahi badala ya Migogoro iliopandikizwa na hao hao CCM ambako anakimbilia.

    Jengine nikwamba Mtatiro ni Kijana mdogo aliekumbwa na Matatizo mengi yakubandikizwa kesi hizi na zile na kukamatwa na POLICCM kila wakati. Kunawakati sijuwi kama hakuingia mafichoni.
    Kuihama CUF kutampatia Amani ya Kuishi na Kuijenga Nchi yake ya Tanganyika.. Nenda Salama mdugu.

  3. Al-Nofli 12 Agosti, 2018 at 13:14 Jibu

    zamko

    Sikubaliani na wewe kuwa Mtatiro kakumbwa na matatizo mengi ya kubambikiziwa kesi. Katika viongozi wa CUF ambao hawakukumbwa na matatizo mengi mmoja ni Mtatiro.

    Sijui sana, lakini ninachokikumbuka ni juzi kama wiki mbili tatu zilizopita alipotakiwa kuripoti kituo kikuu cha Polisi Dar es Salaam na kuwekwa ndani si zaidi saa 24, kwa madai ya kumkashifu rais kwenye moja ya post zake katika mitandao ya kijamii.

    Mbali ya sababu zake alizozitaja ambazo zote zimejaa ulaghai, sababu hasa ni mbili tu. (1) Woga, hofu na kutokuona mbali. Hana mtazamo chana katika siasa. (2) Njaa, kama wanavyosema vijana ‘tumbo’. Ametanguliza maslahi ya tumbo, wala hakuna jambo jengine zaidi ya hayo.

    Lakini, kwa kuongeza maneno machache, Julius Mtatiro kuiacha jahazi katikati ya mkondo wa Kibaazi, si suala la kuwashangaza watu hasa CUF wenyewe, hususan upande wa Zanzibar, ambako wana matatizo mengi yanayowakabili likiwamo suala la uhuru wa nchi yao (utawala) inakaliwa kwa mabavu na Tanganyika.

    Kwa ufupi ni kwamba Mtatiro, ndani ya CUF (chambilicho watanganyika) alikuwa MZIGO kwa Maalim Seif. Nadiriki kusema Bashange, akiondoka CUF iwe leo au kesho, ni pengo.

    zamko, nadhani kwa maoni yangu hayo machache ambayo wewe utayawekea ufafanuzi wake utaniunga mkono kwa asilimia moja. Ahsante..

  4. mohamed khamis 12 Agosti, 2018 at 22:00 Jibu

    Nyerere alipolazimisha vyama vya kisiasa lazima viwe vya kitaifa wakati wa uwanzishaji, 1992, alikuwa na maana yake. Alijua kuna tofauti kubwa juu ya seriousness ya kisiasa kati ya Tanganyika na Zanzibar.

    Kwa wenzetu wa Tanganyika siasa ni kama uwanachama wa klabu ya mpira tu, mchezaji anaweza kujitoa clabu moja akaenda nyengine wakati wowote anachojali ni maslahi yake tu. Kwa sababu vyama vyote ni wao kwa wao Watanganyika wenyewe, ikiwa CCM, CHDEMA, NCCR au chengine. Akitawala Magufuli au Mbowe ni wale wale Watanganyika.

    Hisia za kisiasa kwa Zanzibar ni hadithi nyingine kabisa. Sababu ni kwamba Wazanzibari bado wamo katika vita vya kuikomboa nchiyao kutoka utawala wa Tanganyika, ndiyo maana kutawala Sheni si sawa na kutawala Maalim Seif, kwa sababu kutawala Sheni ni kutawaliwa na Tanganyika.

    Sasa kwa sababu vyama ni vya kitaifa anapovuruga Mtanganyika katika chama Wazanzibari wanaathirika vile vile katika lengo lao la kuikomboa nchi yao. Hayo aliyataka Nyerere katika juhudi zake za kuidhibiti Zanzibar.

  5. Al-Nofli 13 Agosti, 2018 at 01:04 Jibu

    mohamed khamis

    Nakubaliana na maoni yako na papo hapo naongeza maelezo machache kuhusu hili la vyama vya kisiasa kufanywa kuwa suala la muungano.

    Mohamed, kama ulivyosema kuwa vyama vya siasa kuwa na mfumo wa kimuungano ni kweli Nyerere ndiye aliyelazimisha hilo na dhamira yake ni kuendelea kuidhibiti Zanzibar.

    Nakumbuka, mambo mawili ambayo Nyerere aliyalazimisha wakati vilipoanzishwa vyama vingi 1992. (a) kwamba chama kiwe cha kitaifa, kianzie Kazuramimba, Wilaya ya Uvinza Kigoma, Tanganyika hadi kiishie Kiuyu Maziwang’ombe, Wilaya ya Micheweni Pemba.

    (b) Ni kuhusu nafasi ya Zanzibar katika Muungano wa Tanzania, juu ya suala la cheo cha Makamu wa Rais wa Jamhuri za Muungano wa Tanzania.

    Cheo cha Makamu wa Rais wa Jamhuri za Muungano wa Tanzania au niseme Makamu wa Kwanza wa Rais wa Jamhuri za Muungano wa Tanzania, kilikuwa kinashikwa na Rais wa Zanzibar ambaye ndiye kiongozi mkuu wa Zanzibar.

    Lakini, baada ya kukubalika mfumo wa vyama vingi mwaka 1992, cheo hicho kiliondolewa mikononi mwa Rais wa Zanzibar, badala yake ikabuniwa Mgombea Mwenza ‘running mate’ Nyerere kupitia CCM, walikuwa na sababu zao.

    Na sababu kubwa ya Nyerere na wenzake, wakiwamo WAHAFIDHINA kutoka Zanzibar, walikuwa na hofu na Maalim Seif na wenzake walikuwa wanawaogopa sana.

    Mwenyezi Mungu mtukufu, alimjaalia Nyerere kuwa na uwezo mkubwa wa kuona mbali yaani namaanisha alikuwa na upeo wa kutosha wa kuangalia mambo ya miaka mingi mbele. Sasa inawasaidia CCM Zanzibar, kubaki katika madaraka kiubabe. Chanzo cha yote haya ni Nyerere.

    Alijuwa wazi wazi kuwa Wazanzibari 65% mpaka 70% hawaitaki CCM wala hawautaki Muungano. Nyerere alikuwa anajuwa hilo. Alijuwa pia, katika hali yoyote uchaguzi wa vyama vingi CCM Zanzibar abadan abadan abadan haiwezi kushinda.

    Nyerere alijuwa bila kuweka vizingiti hivyo (vyama vya muungano na mgombea mwenza) Zanzibar, itarudi mikononi mwa Wazanzibari wenyewe (WAZAWA), kiulaini sana.

    Kadhalika, Nyerere alijuwa kuwa Maalim Seif kwa Zanzibar, hana mpinzani wa kuwenza kupambana naye katika sanduku la kura. Nyerere alikuwa anajuwa uwezo wa maalim Seif na anavyokubalika.

    Kwa upande wa Maalim Seif, mambo yote mawili yaani vyama vya siasa kuwa vya muungano na mgombea mwenza katika nafasi ya u-rais wa muungano, alipinga kwa nguvu zote. Alijuwa italeta athari kubwa kwa Zanzibar.

    Na kweli, tukiangalia sasa tunaona hali halisi ilivyo. Rais wa Zanzibar hana tambo katika Muungano. Rais wa Zanzibar katika Muungano ni waziri wa kawaida au pengine ni waziri asiyekuwa na ofisi maalumu.

    Pinda (Mizengo), alisema ndani ya bunge wazi wazi kuwa Zanzibar, si nchi, ndipo Karume (Amani Abeid) akashtuka, Allah-akibar. Likaja jini jingine ‘from nowhere’ limeturejesha tena alifu kwa ujiti.

    Nyerere kupitia CCM na WAHAFIDHINA wa Zanzibar, wameipoteza nafasi ya Makamu wa Rais ambaye pia alitakiwa kuwa Rais wa Zanzibar kwa kumuogopa Seif Sharif Hamad (Maalim Seif) kama vile ataimeza tumboni.

    Dr Ahmed Baalawy (kitunguu) mmoja wa Mawaziri wa Serikali ya huru ya Zanzibar ya tarehe 10/12/1963 hadi tarehe 11/1/1964 Mwenyezi Mungu amrehemu, mwaka 2004 nilipomtembelea nyumbani kwake Rashidiya, Dubai alinambia kuwa haitamaliza karne moja Zanzibar kuwa koloni la Tanganyika. Akimaanisha kuanzia tarehe 12 Januari 1964 kuelekea miaka 100 moja mbele.

    Lakini, alisisitiza Wazanzibari waungane, kama Wazanzibari watashikamana, wataungana kuwa kitu kimoja ukoloni wa Tanganyika utaondoka. Kama Kaburu wa Afrika Kusini, Mzungu, alisalim amri atakuwa mkoloni mweusi wa Tanganyika?

    Mwenyezi Mungu mkubwa, watakaokuwa hai wataona, muhimu tuombe dua tuepukane na ukoloni wa Tanganyika kwa salama salmini…maana kutawaliwa kubaya..

  6. Khamis Juma 13 Agosti, 2018 at 07:41 Jibu

    Sadakta kutawaliwa kubaya hasa na mtanganyika asiye na haya wala kujua vibaya, wao wana mila zao na sisi zetu. Sis kuunganishwa kwetu na watanganyika ni kulazimishwa tu , kwani wazee halisi wa nchi hii kamwe hilo hawakulihitaji. Wao kwa wakati wao na sisi kwa wakti wetu tunawahitaji watanganyika na pwani ya afrika mashariki kwa UJIRANI mwema tu. LAKINI ikiwa watanganyika wakishirikiana na baadhi ya wajomba zao wa hapa Zanzibar yaani CCM wa Zanzibar wana lengo kabisa ya kuipokonya kabisa kabisa Zanzibar na kutudhalilisha , basi hata kama wao wanhamia Dodoma nawakahamie na mapema tu , Sisi tutazirudisha zile maili zetu kumi ndani ya Tanganyika.

Leave a reply