Habari

Mussa Haji: Aratibu upatanishi baina ya Maalim Seif na Lipumba

Mjumbe wa Bodi ya Wadhamini ya CUF upande wa Profesa Lipumba, Mussa Haji Kombo anajipanga kuzikutanisha pande mbili za uongozi za Chama cha Wananchi (CUF) ili kukiokoa chama hicho kilichokumbwa na mgogoro kwa zaidi ya mwaka mmoja sasa.

By Muhammed Khamis na Haji Mtumwa – Mwananchi
Friday, April 13, 2018

Mgogoro ndani ya Chama cha Wananchi (CUF) umeanza kuwafikirisha wanachama kuchukua hatua, ambapo vigogo wawili wanaovutana wanatarajiwa kujadiliwa ili kusaka suluhu ya kudumu.

Mgogoro huo ulioifikisha CUF kugawanyika pande mbili, ulikolea zaidi baada ya mwenyekiti anayeungwa mkono na ofisi ya Msajili wa Vyama vya Siasa, Profesa Ibrahim Lipumba kurejea uongozini, huku upande wa katibu mkuu wa chama hicho, Maalim Seif Sharif Hamad ukipinga kurejea kwake.

Kutokana na mgogoro huo, baadhi ya viongozi na wanachama waliamua kukihama chama hicho na kutimkia vyama vingine vya siasa.

Kufuatia mgogoro kufikia hatua mbaya kwa pande husika kuanza kuhasimiana, mjumbe wa Bodi ya Wadhamini upande wa Profesa Lipumba, Mussa Haji Kombo aliwaambia wanahabari mjini hapa jana kuwa, wanatarajia kuzikutanisha pande hizo kupitia kwa wanachama ambao watajadili kwa kina namna ya kumaliza suala hilo.

Alisema mbali na kujadili mgogoro huo, pia wanakusudia kumfikia Rais wa Serikali ya Mapinduzi Zanzibar, Dk Ali Mohamed Shein kujadiliana naye kuhusu tofauti baina ya chama chao na CCM zilizojitokeza kabla na baada ya uchaguzi wa Zanzibar.

Kombo alidai kwamba, tofauti ya kisiasa iliyopo Zanzibar baina ya CUF na CCM inaweza kumalizwa kwa viongozi wa juu wa vyama vya siasa kukutana na kufanya mazungumzo kwa masilahi ya vyama na wanachama wao.

Hata hivyo, alisema kuwa pamoja na kuandaa utaratibu huo wa kukutana na Rais Shein, pia wanaendelea na mpango wa kufanya semina maalumu itakayowakutanisha wanachama na viongozi wao ili kujadili undani wa mgogoro wa chama hicho.

Alisema lengo la semina hiyo ni kuangalia kwa upana mgogoro huo wa muda mrefu wakianzia na historia hadi ulipofikia hivi sasa.

“Kwa kuwa tumeona muda ulishakuwa mwingi na mgogoro bado unaendelea ni bora tuwashirikishe wanachama wetu ili nao waweze kutoa michango yao nini kifanyike ili kupatikana kwa ufumbuzi,” alisema Kombo.

Alisema semina kama hiyo ilifanyika mwishoni mwa 2017 jijini Dar es Salaam pamoja na mwanzoni wa mwaka huu Kisiwani Pemba ambapo wajumbe waliagiza kila jimbo litenge nafasi mbili za vijana ili waweze kutoa michango ya kukijenga chama hicho.

“Tumedhamiria kulifanya hili baada ya kuona kuna watu wengi wakiwamo viongozi wa dini wanataka kupatikana kwa suluhisho la viongozi hao, lakini imeshindikana,” alisema.

Akizungumzia dhamira hiyo ya upande wa Profesa Lipumba kusaka suluhu ya mgogoro uliopo, mkurugenzi wa Habari wa CUF upande wa Maalim Seif, Salim Bimani alisema hawawezi kujibu chochote kwa kile alichokiita kikundi cha Lipumba na siyo wanachama wa CUF.

Hata hivyo, baadhi ya wananchi wameeleza kuwepo kwa umuhimu wa pande husika kumaliza tofauti zao ili maisha mapya yaendelee.

“Hivi kwani huu mgogoro hawa mabwana wakubwa wanataka uende mpaka mwaka gani, maana sasa tulishachoka kuwasikia wao tu wanavurugana,” alisema Salim Mansour Jabu.

Mwanaheri Salimin Jecha aliwataka Profesa Lipumba na Maalim Seif kusahau yaliyopita kwa kukaa meza moja kujadiliana mambo yenye manufaa kwa chama na siyo wao. “Inawezekanaje mgogoro ukawa mkubwa na usiishe?” alihoji.

 

Share:

4 comments

  1. chatumpevu chatumpevu 14 Aprili, 2018 at 11:29 Jibu

    huyo Musa haji Kombo sifikirii kama anaweza akasuluhisha mgogogro huu kwa sababu yeye ni sehemu ya tatizo badala ya kuwa ni sehemu ya suluhu . Anaweza kuwa na maslahi ya upande wa lipumbavu. Mgogoro huu , kwa mawazo yangu , unahitaji serikali ijiondoe kabisa isiwe na interests yoyote na wakizifuta kesi zilizowasilishwa na lipumbavu na genge lake basi mgogoro utakuwa umepata kifo cha mende/ itakuwa umeisha. Lakni cku zte huwa nasema CUF ya maalim seif wajitahidi kuwa wajanaja na kama wana influence wafanye kadri inavyowezekana ili mgogoro huu usifike mwaka 2020. Venginevyo, itakuwa ni majanga makubwa mno kwa CUF ya maalim seif.

    Dola ndio wapishi wa mgogoro huu kwa kumtumia kibraka lipumba na msajili wa vyama vya siasa. Kama ni hivyo, itakapokaribia uchaguzi, akina lipumba watabebwa kwa kuwa wao ndio wanaotambuliwa na mfumo wa sheria na kitaasisi ( legal & institutional framework ) kwa serikali watasema upande wa lipumba ndo uongozi halali, na hivyo mgombea yyte atakayependekezwa na CUF ya maalim seif hatopitishwa, hivyo, ni wakati sasa wa CUF ya maalim kufanya tafakuri ya kina . Hapa lipo somo la kujifunza / learning na wakati ndo huu. Pengine Musa haji kaletwa makusudi aanzishe “mediation role” bandia ili kuzuga watu na kama CUF ya maalim wakikataa basi wabaya wawe na sababu ya kusema.

    Jenga picha ya mwaka 2020, na kama bado sintofahamu hii kama haijapatiwa ufumbuzi itakuwaje? na huku tunataka kuwapitisha watu wetu ? Itakuwa ni kilio cha mbwa koko mdomo juu kitatuandama. Sasa cha kufanya hapa ni kufikiria ile dhana ya win- win na sio win – lose ktk mgogoro. Hili ni suala gumu lakn inabidi kulitafakari kwa upana wake kama taratibu za kisheria za kesi zinazoendelea kusikilizwa zitakuwa hazijamalizwa. Kutokumalizwa kwa kesi hizi inawezekana kwa sababu dola ina maslahi mapana ya mgogogro huu. Tufanyeje kama CUF ili ikifika mwaka 2020 tuwe ktk hali salama ya watu wetu watakaopendekezwa kugombea nafassi mbali mbali wasipingwe na NEC/ ZEC? hakuna jawabu kwa sasa ? huu ni mtego wa panya. mtanikumbuka , kwa sababu trend inaonesha kuwa kuna “delaying techniques” za makusudi za kutokuiendesha kesi hii ya CUF. Mkoloni wa awamu ya tano ameikalia kooni CUF ya maalim ndy maana akaamua kumtumia msajili wa vyama vya siasa na kumhonga Prf. Lipumba 3 billion TSH ili awe ni staring wa sinema hii. Vyanzo vya habari vinaonesha kuwa kuna wasomi wa CCM nyuma ya kesi ambao wanamshauri mkuu wa kaya na msajili jinsi ya uendeshaji wa kesi hii. Hawa ni maproefesa na madokta wa sheria wanaotoa ushauri wa kitaalamu ili CUF upande wa maalim ushindwe.

    Mchana mwema.

  2. zamko 14 Aprili, 2018 at 19:45 Jibu

    @ Chatumpevu
    Mawazo yako ni mazuri lakini hivo wewe Unaamini Kwamba Hawa Wanataka SULUHU kweli?

    Mchawi aliekuminyia Mwanao akesha anakuja kwako anakwambia anataka Suluhu kweli Utakubali.??

    Mimi naona kuna jungu Jengine CCM wanajaribu kutaka kulipika ambalo ni lahili la Kupatanisha.. Na baadae Lipumbavu na Kundi lake Waje Wazuwe baa nyengine karibu na huo UcHAGUZI wao CCM wa 2020.. Kama utakuwepo.

    Hata hivo mimi binafsi naamini 2020 hakuna Uchaguzi wowote Zanzibar kwasababu:

    1. Tokea Uongozi haraMU WA CHMA KIMOJA CHA CCM KUPINDUA MATOKEO HALALI YA UCHAGUZI WA 2015 , KUMEKUWA NA DIPLOMATIC SOLUTION NYINGI NA MOJA NI HIYO YAKUONDOKA MADARAKANI SERIKALI YA KIJESHI YA SHENI NA KUMPISHA MAALIM AUNDE SERIKALI YA GNU.. Kama CCM hawataki hilo basi Huo uchaguzi wao wa 2021 wataingia wao wenyewe na Watanganyika waliowajaza zanzibar.. Na Sio 2020.

    2. Siamini kama Wazanzibari wanategemea chama cha CUF kuwavusha kama itaingia 2020 Au 2021, na akawa maalim Sefu na Viongozi wenzake wanapiga Domo katika Wilaya na Mikoa na kupima Wingi wa Watu walionao..

    Wananchi wa Zanzibar wengi wao waliochoshwa na Dhulma ya Muungano na Christian Catholic Movement CCM. Watatafuta Njia Mbadala..

    Kumbuka Wazanzibari wengi Wanaamini kwamba Wana Siasa wote ni Waongo.. Sio CUF wala CCM ndio itatuvusha katika majanga yakuibiwa mali zetu na kudhalilishwa kwakulipa Kodi ya TRA na ZRB, kufelishwa kwa watoto wetu mashule na kuachwa kuzurura nakula unga au kugeuka Wasenge.

    CUF iwe ya Umoja , ya Lipumbavu au ya Sefu haiwezi kutuvusha .. Tumeshachoka Kelele zakuwa Haki itapatikana huku Tunauliwa kidogo kidogo na mfumo Christo…

    Mimi binafsi sio CUF lakini family yangu ni watu wanaotaka mabadiliko na nishaanza kuwapiga kampeni wasinyanyue Mguu ikifika 2020 au 2021.

  3. zamko 14 Aprili, 2018 at 19:57 Jibu

    @ Chatumpevu

    Na hili la suluhu ikiwa litakuwa ni kweli Basi.. Nikwasababu Lipumba ameshaona hana Jinsi na amegonga Ukuta na hao akina Musa Kombo wameshajuwa nini hatari ya Vizazi Vyao

    jengine lilomfanya Musa Kombo atangaze kwamba wanatafuta suluhu ni Kwamba.. Humo ndani ya CUF ya Lipumba kuna Makundi 2 yasio aminiana lile la WATANGANYIKA na Lile la WAZANZIBARI..

    Nashangaa maisha Waislamu Hutumiliwa Kuwauwa au Kuwasaliti Waislamu Wenzao.. Kwasabau ya Imani ndogo ya Dini na Hisani.. Hivo Lipumba, Nassor Sefu, Musa Kombo, Rukia, Khalifa na wengine niwa kuwasaliti Wazanzibari walionyanganywa haki yao 25. October 2015??

    Hivo Walichokipata ni kitu gani?

    Mbona Msajili wa Vyama hajawahi kuwatumia CHADEMA na SLAA kuivuruga CHADEMA???
    Badala Yake Wamempatia Ibraham SLAA Cheo cha BALOZI wa Tanganyika/ Nchini SWEEDEN … Kwanini Wasimtumilie na SLAA kuivuruga Chadema?

    Kwanini Wawatumie Waislamu Kuivuruga CUF tena Wakiwemo Wapemba waliowahi kupigwa makwaju na kuzalilishwa na Hao hao Wanaowatumilia..

    Huo Sio Ujinga na Ukosefu wa Heshima na Imani huo?..
    Ni nani atakae Waamini?
    Labda huyu Maalim Sefu ndie anaeamini kwamba Mabadiliko yatakuja Tuu bila yakutumia Nguvu.. Na huyo Maalim Ndiye huyo huyo alieamini CCM watamtangaza alipokuwa anakwenda Kufanya Suluhu na Akina ABU Jahal huku akiwa yeye pekee.

  4. zamko 14 Aprili, 2018 at 20:01 Jibu

    Na ndie huyo Maalim Sefu ndiye atakae amini Kwamba Lipumba amekuwa Muungwana na Anataka SULUHU..

    Tungoje Tuone mwisho wake.. Hata Wakifanya SULUHU gani Maalimu Sefu hapewi Serikali ya Zanzibar Labda Visiwa Vigaiwe kama alivotabiri Nyerere awaache Watu Wa Unguja Waungane na Ndugu zao wa Damu na SWapemba tuwe Kivyetu Vyetu..

Leave a reply