Habari

Mwongozo wa Zanzibar kuanza kushiriki yenyewe kwenye masuala ya Kikanda na Kimataifa wapatikana

Mwongozo wa Zanzibar kuanza kushiriki yenyewe kwenye masuala ya Kikanda na Kimataifa wapatikana

Today at 11:49 AM

Kamati inayoshughulikia masuala ya Muungano imepitisha mwongozo kuhusu Zanzibar ambao utaviwezesha visiwa hivyo kushiriki kikamilifu katika masuala ya kikanda na kimataifa.

Suala hilo lilipitishwa Februari 6 na Kamati ya Pamoja ya Serikali ya Muungano (SMT) na Serikali ya Mapinduzi ya Zanzibar (SMZ) ya kushughulikia masuala ya Muungano.

Waziri wa Nchi, Ofisi ya Makamu wa Rais (Muungano na Mazingira), January Makamba aliliambia Bunge jana wakati akiwasilisha makadirio ya mapato na matumizi ya Ofisi ya Makamu wa Rais kwa mwaka wa fedha wa 2019/2020.

Habari hiyo inaweza kuwa njema kwa Zanzibar kutokana na mwongozo huo kumezingatia maeneo ya mikutano ya kimataifa na kikanda, nafasi za masomo ya elimu ya juu na mafunzo mengine nje ya nchi na utafutaji wa fedha za misaada na mikopo ya kufadhili miradi mbalimbali.

Kwa muda mrefu, Zanzibar, ambayo iliungana na Tanganyika mwaka 1964 na kuunda Jamhuri ya Muungano wa Tanzania, imekuwa ikitaka ushiriki katika masuala kimataifa na kikanda, huku ikitaka iwe inatafuta misaada na mikopo nje ya nchi badala ya utaratibu uliopo sasa wa Serikali ya Muungano kufanya kazi hiyo.

Katika Jumuiya ya Afrika Mashariki (EAC), Umoja wa Afrika (AU) na Umoja wa Mataifa (UN), Zanzibar hushiriki chini ya Serikali ya Muungano.

Hivi karibuni, Spika wa Baraza la Wawakilishi, Zubeir Ali Maulid alitaka Ibara ya 50 ya Mkataba wa EAC ipitiwe upya ili kuruhusu wawakilishi wa Zanzibar katika jumuiya hiyo kuchaguliwa moja kwa moja kutoka visiwani humo.

Katiba hotuba yake ya bajeti, Makamba pia alizungumzia changamoto za biashara na umeme.

“Changamoto ya ongezeko la gharama za umeme kutoka Tanesco kwenda Zeco (Shirika la Umeme Zanzibar) nalo pia lilipatiwa ufumbuzi na imekubalika kuwa Kodi ya Ongezeko la Thamani (VAT) itatozwa kwa kiwango cha asilimia sifuri kwenye umeme unaouzwa na Tanesco,” alisema Makamba.

Pia, alisema malimbikizo ya deni la VAT lililokuwa limefikia Sh22.9 bilioni kwa Zeco kwenye umeme uliouzwa na Tanesco limefutwa.

Alisema pia walizipatia ufumbuzi hoja za biashara ambazo ni gharama za kushusha mizigo.

Nyingine ni viwanda vya Zanzibar kupata leseni za biashara kutoka Wakala wa Usajili na Utoaji wa Leseni za Biashara (Brela).

Jamii Forums mobile app

Share:

7 comments

  1. Tengoni 17 Aprili, 2019 at 12:09 Jibu

    Hivi tutageuzwa mazuzu hadi lini, kweli SMZ nzima hakuna mwenye akili, leo nakamba mmoja ndio msemaji mkuu wa muungano na analosema ni sawa, SMZ kimya ikisema ni kusifu. Mfano wa hilo deni la VAT, nani SMZ alikataa hadharani kuwa hilo sio deni ni dhulma? Badala yake SMZ na vyombo vyake vimepiga vigele gele kusherehekea kusamehewa VAT, na kuambiwa ni kazi nzuri ya Sheni. Hatujuwi kuwa kukubali deni la VAT, ni kukiri kuwa Zanzibar si Nchi.Tanganyika iliokuwa Nchi haitozwi VAT ya Umeme inayouziwa na Uganda, au inayouziwa na Zambia, kwa sababu hiyo ni biashara ya Nchi kwa Nchi. Pakistan ikituuzia saruji au mapembe haitutaki kuwapelekea VAT. VAT mtajuana wenyewe nchini mwenu, Leo tumegeuzwa soko la ndani, ukinunuwa saruji ya Tanga ulipe VAT, na ikifika Zanzibar na SMZ nayo ijifanye Dola nayo itake VAT, hatimae Mzanzibar analipia mkoloni na gorvener. Kubalini serikali moja rasmi ili Mzanzibar asilipe kodi mara mbili. Hivi sasa Mzanzibar hajuwi kama anaongozwa na Sheni au magufuli, magufuli kasema hakuna mikutano na Sheni kimya, anafuata upepo, Mzanzibar kabaki kuduwaa, katiba yake, imefunikwa na katiba ya Tanzania, Rais wake kafunikwa na Rais wa Tanzania, Baraza lake limefunikwa na bunge, hapo ndo tulipo. Eti sukari, mafuta ya Oki na bidhaa nyengine kutoka nje zimeingia bandarini kihalali na TRA yao kupata chake na Mzanzibar kulipia vat anapozinunuwa, lakini akisafirisha kwenda chuuza Tanganyika, kmkm wanamkamata eti magendo, kweli SMZ nzima haijuwi tafsiri ya magendo? Tunamfurahisha Bwana hataki bidhaa kutoka Zanzibar.

  2. Taabu 17 Aprili, 2019 at 12:35 Jibu

    Kusema kweli, c,. jambo la kufura hisha , waznz, kupewa furusa, kama hizi, hawa watu wamezo wea kuongozwa, c,o, kujiongoza, tunaiomba jamhuri,, iwafatilie kwa karibu viongozi.wa znz,

  3. mmatemwe 17 Aprili, 2019 at 13:50 Jibu

    Zanzibar hakuna serikali kuna watu wanaojichukulia pesa za wavuja jasho kwa kisingizio cha serikali iliopo madarakani, Shein na wenzake Ni matajiri sana they Robb all of us poor people in these islands. Leo hii miongoni mwa Wazanzibari Ni masikini sana mlo wa siku ni shida kwetu, wanalindwa na Tanganyika ili watunyonye wanyonge kwa kisingizio cha muungano, what is the fucking this union

  4. Ukweli Usemwe 17 Aprili, 2019 at 19:54 Jibu

    CCM yeyote kutoka Zanzibar akiamua kuitetea Zanzibar kuhusu masuala ya muungano, basi huitwa msaliti.

    Kwa hiyo miongoni mwa Sera za CCM mi kuikandamiza Zanzibar isifurukute kimaendeleo.

    Ili uwe mwana CCM mtiifu ni lazima ukubali kuisaliti Zanzibar na Wazanzibari, vyenginevyo ukitaka uonekane mbaya ndani ya CCM jaribu kuitetea Zanzibar, lazima utakiona cha mtemakuni.

  5. abuu7 18 Aprili, 2019 at 04:29 Jibu

    Imeanza Afrika ya juu Tunesië libya. Sasa imefika Sudan. Kinacho fuwata ni zanzibar. .nu lazima tuwondowe huu uchafu unawo tushindiliya marazi kila siku.
    Tushachoka kutawaliwa na Lukuvi na magufuli

    Huu mungano unatufonza dini yetu.. maandamano ya nguvu ya anze.

  6. mzeekondo 18 Aprili, 2019 at 21:43 Jibu

    Kauli hii ya waziri Makamba kuhusu kufutiwa deni ZECO na kutozwa asilimia sifuri VAT sisi Wazanzibari sasa tunatarajiwa kutoa pongezi,kwa kuwa tumeanza kukarimiwa na tajiri yetu baada ya kazi ngumu ya kuomba msamaha wa hizi kodi, na kuuziwa umeme kwa bei ya juu kuliko Tanganyika kwa kuwa sisi ni nchi ya kigeni.

    Mimi kwa kweli siwaelewi Watawala wetu wa Tanganyika wanatutawala kwa mfumo upi,kwa sababu wao ndio wa kwanza kusema sisi ni nchi moja,hakuna nchi inayoitwa Zanzibar,sawa, lakini hakuna mkoa pia unaoitwa Zanzibar kama vile Arusha inavyojulikana, sasa kwa nini wanapotaka kutuibia fedha zetu ndio wanakumbuka na utasikia wanadai kuwa sisi tuna serekali yetu huku ya SMZ, kwa hiyo inabidi tutozwe ushuru na TRA kama wanavyotozwa Uganda au Malawi.

    Viongozi wetu wa hapa nao wakisikia kauli hizi kuwa wao wana serekali na wana mawaziri tena ndio hujituta kukaa mezani na mawaziri wenzao wa Tanganyika, na kuanza kupiga soga za kero za muungano katika hiyo Wizara iliyopo chini ya Bwana Makamba,kiuhalisia hizi sio kero huu ni UKOMA wa muungano, kwa kuwa hautibiki pia wao sio mawaziri ni wakurugenzi tu wa wizara za watu zilizopo hapa Zanzibar,mfumo huu siwezi hata kuuita ni wa kiini macho, kwa sababu uko wazi haujajificha ni sisi wenyewe tumekubali kuhanithiwa(kumrathi) na hawa Waungwana kama utapenda kuwaita hivyo.

    Nilipoamua zamani kuwa mimi kwangu chama chochote cha siasa sio muhimu kwangu kuliko nchi yangu ya Zanzibar,nilikuwa najua kuwa vyama ni vyombo tu vinavyotumika kutawala watu iwe kwa wema au ubaya,sasa ikiwa umeegemeza mapenzi yako kwenye chama cha siasa kuliko nchi yako, wewe unahitaji somo zima ufundishwe umuhimu wa nchi yako kwanza,tuchukulie mfano ingelikuwa wanachama wa CUF ya maalim wote wangekuwa hawajali nchi yao bali wanakipenda chama chao cha cuf tu, Maalim angelitoka peke yake cuf na kuuacha umati wote nyuma ukisulubiwa na Lipumba, hapa pana funzo kwa wale wenye kupenda vyama kuliko NCHI YAO hasa kwa upande wa ccm, huku tuna watu wengi wa aina hii wao somo la chama kushika hatamu limewakolea.

    Hapa inaonyesha kuwa Wazanzibari wengi wanajua kuwa maslahi ya visiwa vyao vinasimamiwa na nani?au chama kipi kina yashughulikia hayo ndio maana wanamfuata huyu Maalim,….. alipo wapo……..,hili ni jambo zuri kama unaipenda na kuijua nchi yako.

    Nafikiri Tanganyika wanaelewa vema kuwa wana kazi kubwa ya kumdhibiti Seif Sharrif,ndio maana kila uchaguzi wana hakikisha hapewi hivi visiwa kuviongoza yeye, tutampa yeyote yule hata kama hakusoma skuli hata darasa moja, lakini sio huyu,kwa sababu wanajua kuwa serekali yoyote nyingine ikija kama sio ya ccm, hapa hakuna tena fedha za bure zitakazopatika kupitia raslimali za Zanzibar, vat,tra na upuuzi mwingine wowote waliotuwekea na kutuzidishia, kinyume na makubaliano aliyoweka muasisi baba wa Taifa letu maehemu Mzee karume.

    Haya ninayosema sio kwamba wenzangu hawajui ndani ya chama chetu cha ccm,wanayajua lakini tatizo wengine bado wana chuki zao binafsi dhidi ya maalim,wengine ni tamaa tu, hawana chuki wala hawaijui chuki imekaaje, wengine wanaona aibu/haya, hawana chuki nata chembe na tamaa hawana tena, kwani shibe na mali walizojilimbikizia wametosheka kwa sasa, lakini nyuso zao hawajui waanzie wapi kukubali kuwa walikosea muda wote huu,utamaduni wa kukubali makosa wakati bado una serekali mkononi au vyombo vya dola/ vya kukandamiza hatuna sisi Waaafrika.

    MUNGU MKUBWA.

Leave a reply