Habari

Nini khasa tatizo la Zanzibar?

Nini khasa tatizo la Zanzibar?

Na Harith Ghassany
July 9, 2018

Maridhiano ndio “Magna Carta”* ya Zanzibar. Maridhiano bado yamo ndani ya Katiba ya Zanzibar. Kinachokosekana ni viongozi WAPYA watakaoweza kulitatua tatizo la Zanzibar.

Lakini nini khasa tatizo (real diagnosis) la Zanzibar kwa sentensi moja? Ifikirie vizuri jawabu yako: ni ya kupakapaka (finyu) au yenye undani na mtazamo mpya?

Natamani Zanzibar ingelikuwa na viongozi wabunifu. Viongozi wabunifu ni wale ambao wana uwezo wa kuanzisha mchakato endelevu katika kuituliza Zanzibar na kuipa maendeleo ya haraka sana ya kielimu na kiuchumi. Wenye kuililia na kuitamania Zanzibar iwe Singapore au Dubai ya Afrika Mashariki na Kati ni wengi. Lakini wangapi wanaotwambia ukweli iwe pembeni au hadharani nini khasa tatizo la Zanzibar? Maana kulijua tatizo ni nusu ya utatuzi.

Rwanda wameweka kando roho mbaya na siasa za mivutano ili wajenge nchi yao. Zanzibar bado tunachechemea kwa kutoaminiana na kudanganyana.

Wananchi wa Zanzibar kwa asilimia kubwa wameshaliona hili, tuombe tupate viongozi wakweli ambao wataweza kulifanyia upasuaji wa kina na dawa ya kudumu gonjwa hili sugu lenye sifa ya donda ndugu, siasa mbovu na chafu zilizowazoelesha Wazanzibari kushindwa kutia nguvu zao zote katika kuijenga Zanzibar badala ya kutupiana maneno na kubaguana kusikokwisha.

Lakini kwanza: nini khasa tatizo la Zanzibar? Kweli ni visingiziyo vya Utumwa, Mapinduzi, Muungano (Tanganyika), vyama vingi, chaguzi, Katiba, vyama va siasa lazima kuwa vya Kitaifa, kutoaminiana kwa viongozi wa vyama vya kisiasa, suala la vyama kujiona wao wana haki na Zanzibar zaidi ya wengine, suala la vyama kutosikiliza sauti za wafuasi, hoja za dini, mivutano baina ya Wazanzibari walioko Zanzibar, au baina ya Zanzibar na Tanganyika, au baina ya CCM Zanzibar na wahajirina, kukosekana kwa umoja wa kijamii au umoja wa kitaifa, au kushindwa katika yote kwa kushindwa kuifahamu, kujifunza, halafu kuisahau historia na kuzielekeza nguvu zote za kijamii na kuziweka kwenye kulijenga Taifa la Zanzibar na la Jamhuri ya Muungano wa Tanzania?

Au tatizo la Zanzibar lina mizizi mirefu zaidi na kuongezewa kasi Zama za Siasa (kabla ya 1964), mizizi ambayo bado haijatambuliwa na kungolewa na wasomi, vijana, na watawala wa 2018?

Fikiria vizuri kabla hujajibu kwa kuyarudia majibu ambayo tayari yanajulikana na ambayo yamekuwa wakielezwa Wazanzibari na wanasiasa wa pande ZOTE.

Tanzania Bara, Rwanda, Kenya, Eritrea, Ethiopia, wote wanabadilika na wanategemea kupata maendeleo makubwa ya kiuchumi. Wazanzibari hawakunasa. Viongozi ni wale wenye kufata uongozi na uongozi wa Zanzibar ni Maridhiano ambayo yametikiswa lakini hayajaanguka.

Nini khasa tatizo la Zanzibar? Usikurupuke na usikubali kukurupushwa. Na zaidi kama kweli tuna uchungu na tunaipenda Zanzibar basi tusikubali kudanganyana.

*Magna Carta (Great Charter) ni mkataba/ msingi wa ustaarabu wa nchi za Magharibi ambao ulitiwa saini Uiengereza na Mfalme John mwaka 1215. Ni Mkataba ambao ulisimamisha uwajibikaji mbele ya sheria akiwemo Mfalme…

Share:

7 comments

  1. Mohamed Khamis 10 Julai, 2018 at 05:05 Jibu

    Tatizo la Zanzibar ni TANGANYIKA.

    Mizozo yote inayotokea Zanzibar – chuki, ugomvi, malumbano ya kisiasa, uhasama, chaguzi mbovu nk. – TANGANYIKA.

    Uhasama uliokuwa ukitokea miaka ya 50s na 60s wakati wa kuunda vyama vya siasa ni kwa fitna za – TANGANYIKA.

    Mapinduzi ya 1964 yaliyouwa maelfu ya watu wasiyokuwa na hatiya yalipangwa na kuratibiwa – TANGANYIKA.

    Muugano wa Zanzibar na Tanganyika wa 1964 ulipangwa na kutekelezwa kwa lengo la kuidhibiti Zanzibar – TANGANYIKA.

    Jaribio la mapinduzi la April 1972 lilipangwa na kuratibiwa Dar-es-salaam kwa lengo la kumuondoa Karume ambae alielekea kuwa kikwazo kwa Nyerere – TANGANYIKA.

    Mpango wa kuunganisha TANU na ASP lengo lake ni kuimaliza Zanzibar ili wakati ukifika Tanzania iwe moja tu. – TANGANYIKA.

    Chaguzi zote kuu tangu 1992 mgombea wa CUF wa urais anashinda lakini hapewi madaraka, ananyimwa ushindi kwa kutumia jeshi polisi na usalama wa taifa vyote vya – TANGANYIKA.

    Tanganyika inatumia vyombo vyake hivyo ili kuzuia maamuzi ya Wazanzibari waliyo wengi na kuweka viongozi ambao watatii matakwa ya – TANGANYIKA.

    Mimi sitaki kuwalaumu Wazanzibari kwamba hawana Umoja, Umoja upo kwa sababu karibu 75% wako kitu kimoja kupigania mabadiliko. 25% iliyobaki na wao wana haki ya kuwa na maamuzi yao wala hakuna ubaya, kwa sababu hakuna nchi duniani ambayo watu wake 100% wana maamuzi mamoja ya kisiasa. Tatizo ni hii 25% kupewa madaraka kwa mtutu wa bunduki – TANGANYIKA.

    Kwa hiyo mpaka hapa tutakapofanikiwa kujikomboa kutoka TANGANYIKA tusitsrsjie mabadiliko yoyote.

  2. Wamtambwe 10 Julai, 2018 at 08:35 Jibu

    Mimi nataka niseme kua Tatizo kubwa la Zanzibar ni Viongozi wetu. Wao wanajihisi kua ni Untouchable.
    Tumetotoa mifano mingi ya Nchi kama Kenya, Eritrea, na Ruwanda kuwa wao wamethubutu kukaa pamoja. Lakini tumesahau kua nchi zote hizo yameshawakuta kwata kwanza na viongozi wao wamejionea kua likitokea halichaguiviongozi wala walio chini. Kenyata alitoka kwenye tundu la shindano.
    Lakini viongozi wetu hawana uzoefu huo. ndio maana wanapanga mikakati ya kiagaidi dhidi ya raia zao w enyewe. Siku litakapotokea wakaguswa wao au familia zao naamini hawatarejea

  3. pandu 10 Julai, 2018 at 10:27 Jibu

    zanzbar sio nchi tulien tunyooshwe Lakini tumesahau kua nchi zote hizo yameshawakuta kwata kwanza na viongozi wao wamejionea kua likitokea halichaguiviongozi wala walio chini. Kenyata alitoka kwenye tundu la shindano.
    Lakini viongozi wetu hawana uzoefu huo. ndio maana wanapanga mikakati ya kiagaidi dhidi ya raia zao w enyewe. Siku litakapotokea wakaguswa wao au familia zao naamini

  4. zamko 10 Julai, 2018 at 13:10 Jibu

    @ Ahsante ndugu muandishi kwa makala yako nzuri yenye ukweli na uwazi. Kwa mtazamo wangu mimi (Umbu wako). Nimeona matatizo yanayo Ila Zanzibar na Wazanzibari ni 4. Matatizo haya 4 kama cc Wazanzibari tutskusudia kuyaafanyia kazi bac naamini Allah SW ata cmama nasie. Matatizo 4yenyewe ni hayo hapo chini 👇

    1. UISLAMU.

    2.UZALENDO.

    3.USHIRIKINA

    4. KUTAWALIWA NA TANGANYIKA.

    Sababu hizo nitakuja kuzieleza kwa urefu nikipata wasaa biidhinillah

  5. shawnjr24 11 Julai, 2018 at 06:09 Jibu

    Tatizo letu kuu hatuna viongozi wenye nia safi na wakweli. Ndio maana walipotokea wenye nia safi na uono wamewekwa ndani mpaka leo(UAMSHO). Lakini hivi vyama vya siasa wote wasaka tonge tu, huwezi kuwa kiongozi ukaogopa chama kufutwa au wananchi kuuliwa. Ninacho amini mimi kuna kenge kwenye msafara wa mamba wote hawa wakiona binaadamu wa kweli watamfanya supu.

  6. zamko 11 Julai, 2018 at 09:18 Jibu

    Asalamu aleikhum Warahamatullahi wabarakatuhu Ndugu zangu wanzanzibari walioko ndani na nje ya Visiwa vyetu adhimu.

    Nimerudi tena kuchambua kwa undani jibu langu la tatizo la Zanzibar. hapo juu kwenye maoni yangu ya awali, mimi binafsi kama mimi nimeona matatizo ya Zanzibar ni 4 na nikayaorodhesha.
    hivi leo napenda kuyachambua matatizo hayo manne nilioyaandika hapo juu:

    1. UISLAMU:
    Kwanini nikasema tatizo moja kubwa la Zanzibar na Wazanzibari ni Uislamu?

    Hii nikutokana na Matokeo yoote yanayotendeka na yaliotendeka hapo miaka ya 1950 – 20018 as I speak. Nimegundua Wazanzibari kuwa Waislamu ndio Tukapinduliwa 1964 na Nyerere pamoja na Watu wake ambao Walikuwa Wasomi. Nyerere ni Mkatoliki aliekuwa na Vission Yakutaka East Africa Yote pamoja na Central Africa iwe katika Himaya ya EVANGILICAL CHRISTIAN CHURCH. Na alikuwa na upeo wa kuona mbali sana lakini aliweza kufanikiwa kufanya mambo yake taratibu lakini lengo lake kubwa ni ku uwa Uislamu wa Zanzibar. Leo hii 2018 tujiulize kwanini Zanzibar Ina MAKANISA MENGI sana Kuliko Waumini na Kuliko hata Mkoa Mdogo wa Tanganyika. Apparentlly Viongozi wa CCM waliojiweka Madarakani kwa Mtutu wa Jeshi hawayaoni haya.

    Na ni yeye Nyerere ndie aliewatia fitna akina Kenyata na Obote waivunje ile jumuiya ya East African Muslim Association (EAMA) kwa kisingizio cha Uhuru. Kisiasa unaweza kusema Jumuiya ile isingekuwa na nguvu tena wakati Kenya Uganda, Tanganyika na Zanzibar tayari zimeshapata Uhuru wake. Sitaki kurudia tena histori ya jumuiya ya Waislamu na nguvu zake kubwa za Funds na kuwapatia Elimu Waislamu na Wakristo waliokuwa hawana uwezo wakusoma kutokana na Utawala wa Kikoloni.

    Walipovunja EAMA wakaanza kuimarisha Makanisa katika Nchi zao 3 yaani Kenya Uganda na Tanganyika. Nyerere alitaka kwa kipindi cha miaka 10 ya Post Independent, kuhakikisha kwamba nafasi zote nyeti za uongozi wa juu wanawekwa watu wenye madhehebu ya Kikristo. Nyerere huyo hakuwaonea haya wala aibu Waislamu wa Tanganyika ambao ndio haswa walio-pigania UHURU wa TANGANYIKA- wakisaidiwa na Wazanzibari. Waislamu hawa ndiowalio mkaribisha Nyerere kutoka kwao Butiama na kuja Daer Es Salaam nakupewa gari na nyumba ya kukaa.

    Baada yakuvunjwa East African Muslim Association ilipita zaidi ya miaka 5-7 ndio kukaundwa chombo cha BAKWATA. Lakini baada tu ya EAMA kuvunjwa Makanisa yaliimarika kwakupewa Ruzuku na Serikali. Baada yakuivunja EAMA Nyerere akaona aanze njama nyengine zakuanzisha Chuki za Uarabu na Utumwa. Chuki hizi ndizo zilizipangwa hadi kufanywa Mapinduzi ya 1964.

    Lengo sio kuondoa Uarabu kwasababu huko Tanganyika, Kenya na Uganda Waarabu walijaa tele. Lakini lengo lake nikutaka kutimiza dhamira yakuifanya Zanzibar kuwa HAVEN ya CHRISTIAN CRUSAID. Pia kwa kuhofia Uislamu wa Zanzibar unaweza kuwa ni Chachu ya Uamsho wa Waislamu wa Tanganyika aliweza kutengeneza mazingira yakumtia khofu Karume. Nakuwauwa watu wasio hatia . UIslamu wetu ndio Uliotufanya Tubaki hivi tulivo na tuzidi kudidimia na kuviharikisha Visiwa Vyetu kwa Uchafu na Dhulma.

    Nyerere na Watanganyika wenzake walioko madarakani Leo hii ninaandika makala hii tayari Visiwa hivi vya Zanzibar vimekuwa na MAKANISA zaidi ya 200. Wakati Waumini Wake hawafiki hata Laki 200. Na viongozi wa CCM waliowekwa madarakani kwa Mtutu wa bunduki haya hawayaoni. Wanaloliona ni Ubaguzu dhidi ya Waislamu wenzao wenye asili ya Pemba, damu za kuchanganya na CUF.

    Mfano wa mafanikio ya Nyerere kuigeuza Zanzibar Christian Island Haven ni:-
    Pemba kwa hesabu ya haraka haraka .

    Wilaya ya Chake kuna makanisa 11. Sita yako Vitongoji kwa Majeshi . 2 yako Mfikiwa kwenye Polisi Corters, 3 yapo Chake chake Mjini, na Moja liko Wawi pembeni kwa DHL. Hapo sijatowa Wete, Mkoani na Vitongoji vyengine Vilivo vamiwa na WABONGO kama vile Makangale.

    Uislamu wetu ndio ulio mfanya Mkapa atuletee JESHI la Tanganyika liwauwe Waislamu wasiokuwa na hatia. Na dunia ibakie kimya.
    Uislamu wetu ndio Uliofanya Viongozi Wanafiki wanaoipapia Dunia Wakae Kwenye madaraka na Waendelee Kuwadhoofisha Wazanzibari na Zanzibar.
    Uislamu wetu Ndio uliomfanya Lukuvu atie fitna makanisani na aseme Zanzibar itaendelea kuwa himaya. Wakati Mkapa alikuwa mstari wa mbele kutaka Sudan ya Kusini na Kaskazini zitengane wakati SUDAN ni Nchi mmoja. Alifanya hivo kwa ajili yakutaka kuimarisha Ukristo na kuuvunja uislamu. Lakini Allah hakusimama na wao Sudan ya Dafoo hadi leo Ina vita vya Wakristo kwa Wakristo. Na Wale Waislamu wako na peace.

    Majibu yangu yataendelea mara nyengine. Mara ijayo nitazungumzia point ya 2 ambayo ni UZALENDO.

    Wabilahi taufiq

  7. Tengoni 11 Julai, 2018 at 14:12 Jibu

    Tatizo la Zanzibar ni tamaa ya wanasiasa wetu, inaelekea tangu awali hatuwa na vision na hili ndio chimbuko la Tanganyika kuivuta zanzibar hatua kwa hatua kuelekea tumboni, tanganyika hana haraka tartibu Zanzibar inashuka tumboni. Hanga, Saleh Sadala na wenziwao walikubali kutumiwa na Tanganyika kumpinduwa Shamte na Ali Muhsin. Karume nae akatumika kuwaondowa duniani Hanga na Saleh Sadala, na wasomi wengine kwa kushawishiwa na Tanganyika. Babu nae kashawishiwa kumuuwa Karume, nchi akapewa Jumbe, huku pande lishazama tumboni mwa mamba, Sefu nae bila kujuwa katumika kumuondowa Jumbe, haya kuwa bure, pande likaenda tumboni, Sefu kaangushwa akapewa Idrisa, nae mpole lakini mkaidi mbele ya watanganyika, akapewa Salmini nae akahonga pande la Zanzibar, kaondowa passport na vyama kuwa vya muungano kusajili na kufuta Tanganyika, alimradi Tanganyika wako vizuri na wamejipanga,hivi sasa Zanzibar imebaki Julia tu kumalizwa, na. Viongozi wakuimaliza kazi hiyo wapo kwani wao bado wanaamini kwenye. Tanganyika. Tanganyika bado haijafilisika na kupata waumini wa kumalizia agenda yao ya Zanzibar.

Leave a reply