Habari

Uandikishwaji Vitambulisho vya Mzanzibar Una nia njema?

Hivi karibuni Dr Ali Mohammed Shein Rais wa Zanzibar akiongozwa na Waziri Haji Omar Kheir walikwenda kwenye uzinduzi na kufunguliwa ofisi ambayo hata jina lake bado sijalijuwa sikwambii madhumuni yake.

Jana nilisoma chapisho moja la Bi Ummy Aley, huyu mke wa Jaji Mkuu mstaafu ambaye sasa ndio mwenyekiti wa Tume ya uchaguzi Zanzibar. Aligusia kitu kimoja kuwa Zanzibar na Wazanzibar wamewatangulia Tanganyika na Watanganyika kwa kila kitu. Nirudi kwenye mada sasa.

Zanzibar ilikuwa ya kwanza kuanzisha BVR (biometric voters registered) ikitanguliwa na Kitambulisho cha Mzanzibar (ingawa jina lake haswaa sio hilo ila naona tabu kulisema). Tukitumaini kuwa ingekuwa hatua moja mbele nasi Wazanzibar kupata haki zetu.

Kama kawaida yetu Kitambulisho cha Mzanzibar kikatumika kinyume na madhumuni ya uletwaji wake. Pengine ni mbinu za mkoloni kuona hapo itakuwa imechezwa rafu. Mkoloni akijuwa fika kuwa ndani ya Katiba ya Zanzibar kuna mtu anayeitwa MZANZIBAR, akaanzisha hila na yeye akaleta chake. Kitambulisho cha Mtanzania kimekuja wakati Kitambulisho cha Mzanzibar kishatumika (iwe vizuri au Vibaya).

Tumuache mkoloni, turudi kwetu wenyewe. Idara hii ya vitambulisho alikabidhiwa mmoja Bwana mkubwa Mohamed Juma Ame, na akafungua ofisi pale Mazizini, akiwa mtu nyeti aliweza kuiunganisha system ile ya vitambulisho na system ya Kiisrail. Hivyo kufyonza datas za wananchi wa Zanzibar bila ya ridhaa zao.

Bwana Mohamed alirudi akajinyakulia mamlaka ya Idara nyengine ya e government, ambapo kaitia hasara nchi ya dollar million 20 kwenye mradi huo kupitia mkonga (fibre optic). Hadi leo hakuulizwa kitu zaidi ya kuhifadhiwa.

Akarudi Bwana Mohamed akaiunganisha idara hii na tume ya uchaguzi. Kama vile Kitambulisho cha Mzanzibar mi haki ya wapiga kura. Ikiwa huna mnasaba na kupiga kura hayo mashakili yake ukikhiari mwenyewe kusalimu amri na kumuachia Mohamed Ame Kitambulisho chake.

Baada ya miaka 10 leo unaletwa usanii mwengine ambao hata binafsi sijaelewa mantiki yake na chanzo chake hasa ni nini.

Ninacho Kitambulisho cha Mzanzibar pia wako Wazanzibar wengi wenye navyo kwa maana bado havija expire, leo nikipi kilichotupata hata tukaanza uandikishwaji upya wa vitambulisho hivi. Jee kuna usalama hapo.

Nasema usalama haupo. Nnazo sababu kadhaa. Moja, nna wasiwasi hii idara ya vitambulisho tushamsabilia Mkoloni kwa bei chee ya kutaka uluwa. Jina la hii idara sasa linaitwa Wakala wa Usajili wa Matukio ya Kijamii Zanzibar. Hapo peke yake tushapoteza muelekeo.

Pili, kuna kila dalili Kitambulisho cha Mzanzibar kumezwa na Kitambulisho cha Mtanzania.

Tatu, hili jengo la idara limekosa eneo la kujengwa Hadi dunga. Tunafahamu Zanzibar hadi huduma uifuate, na sio huduma kukufuata wewe. Mjini Magharibu kuna zaidi ya nusu ya wakaazi wa Unguja, wote hao watoke hadi Dunga kufuata vitambulisho.

Viongozi wetu kila akaaye kwenye kiti kile lazima aache athari yake kuiuwa Zanzibar. Na hii serikali iliyopo kimya kimya inaacha athari kama hizo. Miaka michache ijayo lengo litatimia. Nimeona mfumo wa uendeshaji serikali sasa hivi ni mmoja, hakuna madai ya haki za Zanzibar, wala hakuna kero kutatuliwa zaidi ya kuongezeka.

Share:

5 comments

  1. chatumpevu chatumpevu 9 Septemba, 2018 at 12:54 Jibu

    Kwa mawazo yang nafikiri kubadilisha vitambulisho vya mazanzibari wakati bado vilivyopo havina dosari yoyote ni mpngo wenye nia mbaya kwa wazanzibari. Usipepese macho uchumi wetu ni mbovu na ktk mazingira ya sasa tusingeweza kuchapisha vitambulisho vengine kabla ya muda wa vitambulisho hivi tulivyonavyo kumaliza muda wake. Mambo mawili yanajitokeza: Moja SMZ /SMT wameona kuwa watumie fursa ya ongezeko la idadi ya watu kutoka kwa mkoloni ili wawape vitambulisho vipya vitakavyochapishwa kwa dhamira ya kuja kupigia kura ktk uchafuzi wa mwaka 2020. Kipigo walichopata SMZ/ CCM ktk uchafuzi wa mwaka 2015 ni kipigo kitakatifu na kamwe hawatakisahau , kwa hivo wanakuja na mbinu ya ovyo ya kuchapisha ZAN – ID mpya ili wapewe watanganyika wanaoingia znz kwa makundi hivi sasa.

    Kuna siku nilikuwa nimesafiri kwenda Uganda ktk mizunguko yangu ya kutapia maisha, kwenye basi nikakaa na kaka wa tanganyika akawa anaangalia wallet yake na ktk kutoa pesa vikatoka na ID za Mtanzania na Mzanzibari. Nikamuuliza Znz unakaa wapi? akanambia yeye hakai znz anakaa Dar es salaam lakn amepewa ZAN- ID wakati wa uchafuzi wa mwaka 2015 na anasema yeye kwa sasa ni mzanzibari kamili ingawa alipelekwa kwa ajili kwenda kupiga kura.

    Ukiacha nia mbaya hiyo, kuchapishwa kwa vitambulisho vipya vinaweza kuwa ni ishara ya kuwanyang’anya vitambulisho wale wazanzibari halisia wa unguja na Pemba ili kwanza wasiandikishwe na wasipewe vitambulisho hivyo na bdala yake wapewe hao wahamiaji wanaoongezeka kila siku kule kwetu Znz. mtakumbuka kuwa wazanzibari wengi hususan ndugu zangu wapendwa kutoka Pemba wengi hawakupewa vitambulisho hivi tulivyonavyo kwa lengo la kuwazuia wasipige kura , sasa inavyoelekea kuchapishwa kwa ZAN- ID mpya ina nia kama hiyo. tukupumbuke kuwa kipigo kitakatifu cha CCM/ SMZ ktk uchafuzi wa mwaka 2015 bado hawajakisahau na wala hawatakisahau ndo maana wanachapisha upupu huo kwa lengo baya.

    Popote pale unapomuoona Haji Omar kheir akishabikia kitu ujue kuwa hapo pana fusa ya kuumizwa mtu/ chama cha CUF. Waziri huyu ndo kinara wa kupika kila aina ya uovu dhidi ya nchi yake ya znz. Yawezekana pengine kuna shindikizo kutoka kwa mkoloni la kukifanya zAn – ID isiwe na thamani kama kitambuisho halali cha identity yetu ya kizanzibari na badala yake tuendelee kutumia kitambulish cha mtanzania ilhali sisi wazanzibari tunajinasibu na uzanzibari wetu popote pale tuendapo duniani.

    Vyovyote viwavyo, lazima tutafakari uamuzi huu wa SMZ wa kuchapisha vitambulisho vipya na kwa naini unafanywa wakati huu?.

  2. Ghalib 9 Septemba, 2018 at 16:59 Jibu

    Mimi ninavyo jua, pigo walilo lipata 2015 ni wa piga kura wao kutoka tanganyika kwa kumuunga mkono lowasa, wamasai wote wamekuwa CHADEMA na makabila Mengine ambayo walipewa zan id,.

    Inawezeka ikawa ni njia ya kutoa vitambulisho vipya, vile vya zamani Viwe invalid. Jengine ccm hawana njia yoyote ya kuiba kura zanzibar zaidi ya kubadili number tu, ya huyu kumpa huyu bc.

    Kubadilisha jina la kitambulisho, ni kuipotezea nguvu zanzibar katika identity yake.

  3. shawnjr24 9 Septemba, 2018 at 17:39 Jibu

    Wenzetu wapo mbioni kuuwa upinzani kwanini na sisi tusiwe mbioni kuuwa muungano?? Ifike muda wazanzibari tuwache hofu na uwoga na tusimameni kuikomboa nchi yetu. Kweli bara wapo watu million 45 lakini sio wote wanaunga mkono udhalim, tukikianzisha hakuna atakae baki salama ila mwenye kutetea haki yake atasimama kishujaa kuliko wanao dhulumu. Ifike muda sio siasa bali iwe ukombozi tu.

  4. Tengoni 10 Septemba, 2018 at 04:41 Jibu

    Muandishi kaogopa kukuita kitambulisho jina lake sahihi, kitambulisho kinaitwa kitambulisho cha Mzanzibar mkaazi, yaani ni kitambulisho cha Mtanzania alieka makaazi yake Zanzibar, hata majuzi Haji Omar akimkaribisha Sheni, hapo Dunga, alionya anaeukana utanzania, na kitambulisho hicho ajue hatokipata. Mtanzania yeyote anahaki na kitambulisho cha Mzanzibar mkaanzi akiamua kueka makaazi yake Zanzibar, kwa kipindi cha miaka mitano, na wewe mzawa ukiamua kuhama na kuweka makaazi yako Dar kwa miaka mitano, basi uzanzibar wako umeota mbawa na kubaki na utanzania wako, hiyo ndio sheria tuliyotungiwa, ingawa kimazoea tunaona uzanzibar ni kuzaliwa Zanzibar, sivyo hata kina Salim Ahmed, Gharib Bilali, Ali Hassan kwa mazoea tunawataja kama wazanzibar, ukweli uzanzibar wao haupo tena kwani wamehamisha makaazi yao.

  5. Maweni 11 Septemba, 2018 at 02:51 Jibu

    Zanzibar itabaki jina na moyoni mwa wazalendo wa Zanzibar. Hao wachache watao simama kitede wataweza kuikombowa Zanzibar. Kuikana Tanzania sio kumkana Allah wala mtume Wake.

Leave a reply