Habari

Ujenzi bandari mpya wakabaliwa na changamoto

UJENZI wa Bandari kubwa na yenye hadhi ‘hurb port’, uko kwenye hatua ya uchambuzi lakini kikwazo kikubwa cha ujenzi huo ni gharama.

Naibu waziri wa wizara ya Miundombinu na Mawasiliano Issa Haji Ussi alieleza hayo jana katika ukumbi wa Baraza la Wawakilishi alipokuwa akijibu suali la Mwakilishi wa Muyuni Jaku Hashima Ayoub.

Naibu huyo alisema serikali ina azma ya kujenga bandari mpya na ya kisasa ambapo katika utekelezaji wake tayari uchambuzi yakinifu umeshafanywa.

Alisema kutokana na kikwazo cha gharama, serikali imeona ni vyema kuangalia tena na kujiridhisha juu ya gharama iliyopendekezwa na makandarasi waliofanyakazi hiyo ya uchambuzi yakinifu.

Naibu huyo alisema kutokana na faida ya kimaumbile na kijiografia na ujenzi wa bandari hiyo ukikamilika bandari zote zilizojirani na Zanzibar haiwezi kuwa tishio kibiashara.

Alisema bandari hiyo itakuwa ndiyo ‘hurts’ kwa nchi za Afrika Mashariki na Kati.

Share: